ILOILO — Patay ang driver sang motorsiklo sang nabungguan sang sumalang nga awto sa Barangay Anoring, Sara las-8:55 kagab-i.
Sa report sang Sara Municipal Police Station, halin sa Brgy. Devera ang driver sang motorsiklo nga si alyas Pads, kag papuli na sa Brgy. San Luis.
Halin naman sa pihak nga direksyon ang awto nga ginamaneho ni alyas Ren.
Nagaguwa sa imbestigasyon nga nalaksam sang awto ang lane sang motorsiklo gani nagbungguanay.
Nakaagum sang head injury ang driver sang motorsiklo. Pag-abot sa ospital gindeklarar nga dead-on-arrival ang driver sang motorsiklo.
Wala napilasan ang driver sang awto. — Aksyon Maria Kayla Tingzon
