ILOILO — Dead-on-arrival sa ospital ang driver sang motorsiklo sang nabungguan sang delivery van sa Barangay Sarawag, Janiuay mga la-1:45 subong nga hapon.
Suno kay Police Captain Marlon Perez, hepe sang Janiuay Municipal Police Station, tungod nagagal-om na, nagpanaug ang driver sang motorsiklo agud magsuksok sang raincoat sang nabungguan sang nabungguan sang delivery van.
Pareho nga halin sa Lambunao kag pabalik na sa Iloilo City ang mga salakyan.
Gin-ako sang driver sang van nga napiyungan siya tungod sa kakapoy kag madasig ang iya pagpadalagan.
Gindala pa sa ospital sa Lambunao ang driver sang motorsiklo pero napatay tungod sa head injury.
Buka ang tuo nga porsyon sang windshield samtang may diutay lang nga damage ang motorsiklo.
Detained sa Janiuay Municipal Police Station ang driver sang van. — Aksyon Maria Kayla Tingzon
