ILOILO CITY — Dead-on-arrival sa ospital ang 28-anyos nga driver sang nakabunggo sa poste sa Barangay San Jose, Arevalo las-11:17 kagab-i.
Suno kay Police Executive Master Sergeant Dennis Yee, imbestigador sang Traffic Enforcement Unit, naka-inom ang driver nga si alyas Toto, residente sang Barangay San Pedro, Molo kag madasig ang padalagan.
Tungod nagapakurbada ang dalan nagdiretso siya sa poste.
Nakaagum sang daku nga pilas sa paa ang driver sang motorsiklo.
May suksok nga helmet ang driver. — Aksyon Maria Kayla Tingzon
