Driver sang motorsiklo patay sang nakabunggo sa truck sa Lanit, Jaro

ILOILO CITY — Wasak ang ulo sang driver sang motorsiklo sang nakabunggo sa 10-wheeler truck sa Brgy. Lanit, Jaro las-5:10 kaina sang kaagahon.

Suno kay Police Corporal Andy Pava, traffic investigator sang Traffic Enforcement Unit- Jaro, papuli na sa Zarraga ang driver sang motorsiklo sang nasugata ang truck.        

Sa inisyal nga impormasyon ni Corporal Pava, naglapaw sa linya ang motorsiklo rason nga nakabunggo sa truck nga may karga nga balas. — Aksyon Paula Elambayo