ILOILO—Patay ang driver sang motorsiklo sang na-aksidente sa Dungon B, Jaro mga las-3 kaina sang kaagahon.
Sa pagpangusisa sang Aksyon Radyo Iloilo news team sa gwardya nga naga-duty malapit sa lugar, natalupangdan na lang niya nga may motorsiklo nga natumba sa karsada kag wala na sang driver. Sang ginpalapitan niya, nakita ang tawo nga nagakaya sa unahan.
Gilayon nga nagtawag ang gwardya sang ang loilo City Emergency Responder (ICER).
Sa initial nga impormasyon ni Police Staff Sergeant Jeffrey Janay, traffic investigator sang Jaro police station, estudyante ang 22-anyos nga driver kag may ginkadtuan lang antes ang insidente.
Ini pa matumod kun ano gid ang natabo sa driver tungod nagapadayon pa ang imbestigasyon sang police.
Nag-ayo ang pamilya nga indi maghatag sang dugang nga detalye. — via Aksyon Dave Bucayan
