ILOILO — Pilason ang driver sang multicab sang nakabunggo sa puno sang kahoy sa kilid sang dalan sa Brgy. Igtalongon, Igbaras pasado kahapon sang aga, Setyembre 24.
Sa initial nga impormasyon suno kay Police Staff Sergeant Glen Bryan Villasis, Community Relations Officer sang Igbaras Municipal Police Station, naglamsot ang preno sang multicab rason nga nagdiretso sa kilid sang dalan kag nakabunggo sa puno sang kahoy.
Nakaagum sang minor injuries ang driver sang multicab samtang wala naman napilasan ang pasahero.
Nawasak ang unahan nga porsyon sang multicab, suno sa police.
Gina-imbestigaran pa sang police ang insidente.
