Nanindugan ang Department of Social Welfare and Development (DSWD) Field Office VI nga patas, non-partisan kag non-political sila sa pagpatuman sang ila mga programa kag proyekto.
Sa statement, ginpahayag sang DSWD 6 nga istrikto sila nga nagasunod sa mga programa kag guidelines sang ila mga serbisyo base sa kun ano ang nabutang sa laye. Ginahatagan man suno sa ila sang kinahanglanon nga bulig ang tanan nga mga benepisyaryo basta nga eligible kag may available nga pondo.
Ginpaathag sang DSWD VI nga sa pagpili sang mga beneficiaries sang 4Ps, Sustainable Livelihood Program, kag Social Pension Program ginagamit ang Listahanan nga database sang mga pigado nga pamilya sa pungsod. Nahuman ini nga database paagi sa pagpang-house-to-house sang mga empleyado nga ginpang-hire sang DSWD.
Wala man sila naga-require sang referral ukon endorsement letter halin sa mga opisyal sa pagpatuman sang ila mga programa. Bisan sa paghatag sang Assistance to Individuals in Crisis Situation (AICS), barangay certification na lang ang ila ginapangayo agud may basehan sa residency kag indigency sang nagakinahanglan sang bulig.
Ginpasalig sang ahensiya nga patas ang ila pagtrato sa mga Filipinos bisan ano man ang ila political affiliation.
Sa regular session kahapon sang Iloilo City Council, namunuhan ni Councilor Plaridel Nava ang DSWD6 nga nagapamili sang beneficiaries nga hatagan – via DSWD Western Visayas
