ILOILO — Nasunog ang dump truck nga naka-park sa garahe sa Brgy. Anonang, Leon pasado las-8:30 kagab-i, Hulyo 30.
Suno kay Police Lieutenant Martin Pugales, officer-in-charge sang Leon Municipal Police Station, nakit-an sang helper nga may nag-spark sa atubang sang truck gani nagdalagan kag nagpangayo sang bulig.
Pagbalik sang helper, nagakalayo na ang truck kag nagtawag sa Bureau of Fire Protection-Leon.
Ginaimbestigaran sang BFP ang ginhalinan sang sunog. — Aksyon Paula Elambayo
