ILOILO— Dakup ang 25-anyos nga e-bike driver sa drug buy bust operation sa Brgy. 4 Poblacion, Tigbauan kahapon, Mayo 6.
Ginkilala ang subject kay William Tenencia alyas Spike sang Brgy. Tanpael, Tigbauan.
Suno kay Police Captain Jorge Lenantud, OIC sang Tigbauan Municipal Police Station, na-recover sa subject ang ginabanta 11 grams sang suspected shabu nga may standard drug price nga P74, 800.
Base sa pagpangusisa sang police, sa Tigbauan man ginakuha sang subject ang supply sang illegal drugs nga ginabaligya. — via Aksyon Farrah Mae Morano
