E-bike driver nabun-an sang traffic enforcer sa guwa sang Mohon Terminal sa Arevalo

ILOILO CITY — Pilason ang e-bike driver sang nabun-an sang traffic enforcer sa guwa sang Mohon Terminal pasado las-4:00 subong nga hapon.

Sa inisyal nga impormasyon sang Aksyon Radyo Iloilo, yara sa impluwensiya sang makahulubog nga ilimnon ang e-bike driver sang ginsaway sang traffic enforcer.

Tungod sini, may pagbinaisay nga natabo tubtob nga nagkuha sang kutsilyo ang e-bike driver. May pukutay nga natabo kag ginpahayag nga naagaw sang traffic enforcer ang kutsilyo gani nabun-an ang e-bike driver.

May pilas sa wala nga paa ang e-bike driver nga ginrespondehan sang Iloilo City Emergency Responder (ICER).