ILOILO CITY — Lunsay napilasan ang e-bike driver kag traffic enforcer sang nagpukotay sa Brgy. San Nicolas, Oton kahapon, Agosto 4.
Suno kay Police Lieutenant Colonel Ahlie Estember sang Oton Municipal Police Station, naga-duty ang traffic enforcer sa lugar sang ginpalapitan sang driver sakay sa ginamaneho nga e-bike kag ginsalakay.
Tungod sini, nagkomprontahanay ang driver kag traffic enforcer.
Ginpahayag ni Estember nga ginkuha sang e-bike driver ang screwdriver kag tuyo kuntani bun-on ang traffic enforcer pero naagaw niya.
Nagkuha pa gid sang kutsilyo ang driver tubtob nga nag-agaway sila sang traffic enforcer. Diri na kag natabo ang pagpukotay sang duha.
Napilasan sa wala nga tiil kag tudlo sa wala nga kamot ang driver, samtang may pilas sa wala nga tiil ang enforcer.
Sa pagpangusisa sang police, may daan nga hiligut-anon ang duha.
Ginrespondehan sang Iloilo City Emergency Responder (ICER) ang insidente kag pareho nga gindapatan sang first aide ang duha. — Aksyon Paula Elambayo
