ILOILO CITY — Puwede nga makapangayo sang madasig nga bulig ang publiko paagi sa emergency number 911 kun may yara sang emerhensiya.
Suno kay Police Lt. Col. Arnel Solis, spokesperson sang Police Regional Office 6, magamit ang emergency number 911 kun wala nakahibalo ang indibidwal sang hotline number sang police station nga magaresponder.
Puwede gihapon maka-contact ang pumuluyo nga may luyag ipalab-ot nga concern ukon report sa police paagi sa ila hotline number.
Sa tiun nga mabaton sang PNP ang tawag, kuhaan nila sang detalye ang nagapangayo sang assistance kag gilayon nga pakig-angutan ang pinakamalapit nga PNP unit sa lugar nga amo ang maresponder sa ginluntaran sang insidente.
Dugang pa ni Lt. Col. Solis mas mahapos tandaan ang 911 tungod may tatlo lang ini ka numero. Makatawag man sa amo nga number bisan wala nagagamit sang load.
Magluwas sa pag-contact sa police, mahimo man nga makapangayo sang bulig halin sa Bureau of Fire Protection kag emergency medical services. Magamit man ang service bisan wala sang cellular load. — via Aksyon Maria Kayla Tingzon
