ILOILO — May nagluntad nga encounter sa tunga sang 61st Infantry (Hunter) Battalion kag mga ginapatihan myembro sang New People’s Army (NPA) sa nabukid nga porsyon sang Brgy. Igsoligue, Miagao mga las-4:40 sang hapon sang Marso 4.
Ini ang ginkumpirmar ni Lieutenant Colonel J-Jay Javines, spokesperson sang 3rd Infantry Division sang Philippine Army.
Sa initial nga impormasyon ni Javines, myembro sang Southern Panay Front-Komiteng Rehiyon- Panay ang na-engkwentro sang mga army.
Matandaan nga may nagluntad man nga engkwentro sa San Joaquin sang Pebrero 28 kag ginapatihan nga myembro sang amo man nga grupo ang na-engkwentro sang 60IB kahapon.
Mabatian sa video nga ginpadala sa Aksyon Radyo Iloilo ang linupok sang pusil sa bukid.
Ginpahayag sang concerned citizen nga nag-umpisa ang linukpanay mga las-4:30 sa hapon.
Antes sini, nagkit-an nila nga nagsaka sa bukid ang mga army mga la-1:30 sa hapon.
