Patay ang 22-anyos nga estudyante sang nalumos sa coldspring sa Brgy. Guia Pandan, Antique sang Disyembre 28.
Suno kay Police Lieutenant Allan Otis, deputy chief of police sang Pandan Municipal Police Station, pakadto kuntani sa Buruanga, Aklan ang estudyante upod ang iya pamilya sang naghapit sa coldspring resort.
Sa imbestigasyon, naglangoy ang estudyante upod ang iya pamilya sang natalupangdan nga wala na siya nakabutwa.
Ginsalbar sang pamilya kag sang lifeguard ang estudyante kag gindala sa ospital pero gindeklarar nga dead-on-arrival. — Aksyon Paula Elambayo
