ILOILO — Nakuhaan ang event organizer sang masobra P100,000 nga balor sang suspected shabu sa drug buy bust operation sa Barangay Mangorocoro, Ajuy kahapon, Agosto 15.
Ginkilala ang subject kay Jovec Basa sang Barangay Barrido, Ajuy.
Suno kay Police Captain John Michael Dalipe, officer-in-charge sang Ajuy Municipal Police, nakabaton sila sang impormasyon halin sa mga concerned citizens nga may mga pamatan-on nga nagabakal sa subject sang illegal nga druga.
Dugang ni Dalipe, ginagamit sang subject ang iya negosyo nga karinderya agud matago ang iya illegal nga mga transakyon.
Ginahibalo pa sang kapulisan kon diin ang source sang illegal nga druga nga ginabaligya sang subject.
Na-recover sa operasyon ang lima ka dalagko nga pinutos kag duha ka sachets sang suspected shabu nga ginabanta nagabug-at sang 15 grams. — Aksyon Maria Kayla Tingzon
