ILOILO — Patay na sang nasapwan sa higad sang suba sang Barangay Compayan, Dumangas ang fetus nga lalaki nga ginabanta naga-edad sang anum tubtob pito ka bulan.
Suno kay Kagawad Donna Balibalos, wala sang putos kag “fresh” pa ang dugo sang fetus sang nasapwan.
Gindala sa Barangay Hall ang fetus kag ginbutang sa karton.
Gina-imbestigahan naman sang mga barangay officials kun sin-o ang nagbilin sang fetus.
Daku ang posibilidad, suno kay Kagawad Balibalos, nga residente sang ila barangay ang nagbilin sang fetus.
