ILOILO CITY — Nasapwan ang ginabanta tatlo tubtob apat ka bulan nga fetus sa eskinita sa Zone 3, North Baluarte, Molo kagab-i, Nobyembre 18.
Suno kay Alyas Nene, nakibot siya sang nakit-an ang fetus nga napuno sang dugo nga wala naputos. Nagdumdom pa si Nene nga bihod lang sang isda ang nakita pero sang ginhimutaran niya, nakumpirmar nga fetus.
Nagapati siya bag-o lang nabilin ang fetus tungod preska pa ang dugo.
Ginahibalo pa sang mga police kaupod ang barangay officials kun sin-o ang nagbilin sang fetus.
Ginsindihan naman sang mga residente sang kandila ang lugar sa diin nasapwan ang fetus. — via ARI Trainee Lhey Ann Alayon
