ILOILO– Ginpapanaug ang mga pasahero sang Cebu Pacific flight 5J 460 sa Iloilo International Airport tungod sang ginpahayag bomb joke kagab-i, Disyembre 21.
Ginpahayag sang reliable source sang Aksyon Radyo Iloilo nga samtang yara na sa sulod sang eroplano, nag-joke ang isa ka pasahero sa flight attendant nga may bomba ang iya baggage.
Tungod sini, gilayon nga ginpapanaug ang tanan nga pasahero dala ang ila hand carry luggage kag wala gindayon ang 9:25 departure time sang eroplano nga mapa-Manila.
Gilayon naman nga gin-search sang pulis ang eroplano upod ang K9 kag Explosive Ordnance Disposal (EOD), suno sa impormasyon.
Gin-resume naman ang biyahe subong nga gab-i sang na-clear na sang EOD.
Gin-custody sang police ang nag-bomb joke kag ang iya upod, suno sa impormasyon.
Wala pa makahatag sang dugang nga impormasyon ang airport manager may kaangtanan sa insidente.
