ILOILO — Gintudlo si former Mayor Salvador Divinagracia sang Calinog nga amo ang naka-hit-and-run sa 20-anyos nga lalaki sa Barangay Pasil, New Lucena kagab-i.
Mga las-10 kagab-i sang nadakpan sang mga pulis si Divinagracia sa idalum sang Ungka Flyover sa Pavia.
Apang, antes ang pagdakup sa iya, gintudlo si Divinagracia nga nagsita sa mga sakay sang duha ka salakyan.
Base sa impormasyon, sa Pototan pa lang nanotisyaran sang mga sakay sang isa ka salakyan nga may naga “high-low, high-low” nga salakyan sa likod nila.
Tungod sini, nagpahigad ang salakyan kag nagdulog man sa unhan ang pick up nga ginamaneho ni Divinagracia.
Nagpanaug si Divinagracia kag ginsita ang mga sakay.
Pag-abot sa Dawis Centro, Zarraga, may ginsita naman si Divinagracia base sa impormasyon.
Suno sa isa sa tagreklamo, gindutdot sila sang driver sang pick-up, ginpana-ugan kag ginsita.
Gindala sa New Lucena MPS ang former mayor. — Aksyon Angel Mae Ciudad
