ILOILO—Nasunog ang furniture shop sa Barangay Rumbang, Pototan nga ginrespondehan sang Pototan Bureau of Fire Protection (BFP) las-6:44 subong nga new year.
Suno kay Fire Officer 2 Steven Ferrer, fire arson investigator sang Pototan BFP mga las-6 tubtob las-6:30 nag-umpisa ang sunog.
Ginpabutyag ni Noli Arcabal, tag-iya sang furniture shop nga nag-umpisa ang kalayo sa atop.
May nabatian siya nga lupok kag may nag-ibwal nga kalayo makaligad ang pila ka minutos.
Gintinguhaan pa ni Arcabal nga mapalong ang kalayo paagi sa pagbasya sang tubig pero madasig ini nga naglapta.
Natupok gid ang bilog nga furniture shop kag lakip sa nasunog ang mga baligya nga furnitures.
Gina-imbestigaran pa sang BFP Pototan ang ginhalinan sang kalayo. — Aksyon Marvin Malificiar
