ILOILO CITY – Tuman ang kalipay ni Gerry Rodriguez sang Brgy. Rima Rizal, City Proper sang nagtuon sa P10,000 ang pagpatiyog niya sang ‘Dakup Ka, Daug Ka’ roleta sang Aksyon Radyo Iloilo.
Nalawagan si Rodriguez kaina sang aga nga amo ang winner subong nga adlaw gani dali-dali siya nga nagsaka sa estasyunan upod ang iya asawa.
Suno kay Rodriguez, daku nga bulig gid sa ila mga galastuhon sa sulod sang balay ang nadaugan nga premyo.
Padayon lang nga magpamati sa Aksyon Radyo Iloilo agud pareho kay Rodriguez, mahatagan man sang tsansa nga madakpan sang team kag makapatiyog sang ‘Dakup Ka, Daug Ka’ roleta.
Lakip sa mga premyo nga puwede mapauli ang cash, lakip ang P10,000, appliances pareho sang smart TV kag washing machine, sinaku sang bugas kag mountain bike.
Ang Dakup Ka, Daug Ka Roleta promo kabahin lang sang pagpasalamat sang Aksyon Radyo Iloilo sa padayon nga suporta sang mga tagpalamati.
