Ginapatihan parte sang lawas sang mga napatay sa sunog sa San Nicolas, La Paz na-recover sa boarding house

ILOILO CITY — May na-recover nga mga tul-an sa boarding house nga nasunog sa San Nicolas, La Paz kahapon, Pebrero 22.

Suno kay Punong Barangay Alma Jamili sang San Nicolas, La Paz, ginahibalo pa kun ang mga na-recover nga tul-an sang mga personnel sang Bureau of Fire Protection- Iloilo City ang nabilin nga parte sang lawas sang duha ka napatay sang Domingo.

Nag-conduct sang clearing operations ang BFP sa boarding house nga nasunog.

Ginputos sa garbage bag ang mga na-recover nga parte sang lawas.

Ang nasambit nga sunog sang Domingo, nagbilin sang duha ka napatay.

Matandaan nga lima ka balay ang totally-damaged samtang duha ang partially-damaged sa nagluntad nga sunog.