ILOILO— Gina-imbestigaran na subong sang West Visayas State University ang ginpahayag naglapta nga questionnaire sang WVSU-College Admission Test antes ang exam.
Suno kay WVSU President Dr. Joselito Villaruz, may nagsulat na sa iya kag nagreklamo sa ginpahayag naglapta nga questionnaire sa pila ka mga exam takers kag gintun-an nila.
May naglapta man sa social media sang ginpahayag leaked questionnaire.
Ginpabutyag ni Villaruz nga bisan siya ang nakibot sa impormasyon gani gilayon niya nga gintawgan ang academic team agud hibaluon kun may leak gid man nga natabo.
“The university takes full responsibility for whatever lapses in the protection of the integrity and the sanity of the examination. We will get to the bottom of this, and we will have to really find the real reason if this actually happened or if somebody leaked it to some of the students who took the exam. We really cannot tell at this time because, as I’ve said, gina-imbestigaran pa namon subong,” pahayag ni Villaruz.
Sa naka-attach nga kopya sang ginpahayag leaked questionnaire sa letter nga ginpasa kay Dr. Villaruz, may pila ka mga items nga nagguwa sa WVSU CAT pero indi gid ang kabug-ugsan nga items.
“There has to be accountability. That I can promise to the public. You know West Visayas State University has always stood for excellence, integrity, and transparency. And with this issue coming out, I think we really have to dig deeper into what really caused this issue or problem in the first place,” dugang ni Villaruz.
Subong lang natabo nga may issue nga nagguwa sa WVSU-CAT suno kay Villaruz gani nagakadapat nga aksyunan.
Matandaan, 11,600 ang nagkuha sang WVSU-CAT sang Domingo, Marso 10 sa main campus sa La Paz.
