ILOILO — Nagkinaran-karan ang mga residente sang nasunog ang malapad nga kahilamunan sa boundary sang Bolong Oeste kag Bolong Este, Santa Barbara kahapon, Abril 18.
Suno kay Bolong Este punong barangay Haydee dela Cruz, napunggan sang mga bombero nga maglaton ang kalayo sa mga pamalay.
Ginkahangaw-an suno sa iya sang mga residente nga maglaton ang kalayo sa mga pamalay tungod posible nga madamo gid ang maapektuhan.
Maswerte man nga wala nalab-ot ang Wilcon depot tungod sa likod lang sini ang bakante nga area nga nasunog.
Masy mga bombero nga naghalin sa kaiping nga kabanwahanan agud magbulig sa pagpalong sang kalayo. Wala sang may napilasan sa insidente.
Gina-imbestigaran pa sang personnel sang Santa Barbara Municipal Fire Station ang ginhalinan sang kalayo.
