Guidelines para sa ayuda sa magagmay nga rice retailers ginpaguwa sang DTI

Ginpaguwa na sang Department of Trade and Industry (DTI) ang pagsulundan sa pagpili sang benipisyaryo para Sustainable Livelihood Program (SLP) sa mga apektado nga micro rice retailers sang ginpatuman ang Executive Order 39 nga nagabutang sang price cup sa Regular kag Well Milled Rice.

Makabaton sang P15,000 nga SLP assistance ang mga apektado nga retailers, samtang P5,000 naman para sa mga sari-sari store owners nga napahamtang sa guwa sang merkado.

Kapareho man nga guidelines ang mangin basehan sang DSWD.

Kaina sang aga, ginhiwat ang kick-off ceremony sa pag-pay-out sa una nga batch sang eligible nga micro rice retailers sa Commonwealth Market, Quezon City kag Maypajo Market, Caloocan City.

Personal nga gin-turn-over ni DTI Secretary Fred Pascual kag DSWD Secretary Rex Gatchalian ang financial assistance sa mga rice retailers. —via Fraye Cedrick Anona