ILOILO — Nakaguwa na sa ospital ang 28-anyos nga babaye sang nalabuan sang iya tiya sa Brgy. Lutac, Cabatuan las-6:30 subong nga gab-i.
Ang biktima ginkilala kay alyas Maria samtang suspek ang iya tiya nga si alyas Beth.
Suno kay Police Master Sergeant Richard Epacta, imbestigador sang Cabatuan Municipal Police Station, may pagbinaisay nga natabo sa tunga sang tiya kag live-in partner ni Maria tungod sa tambara nga nahulog.
Nagatinir sa isa ka compound ang mag-tiya, suno sa police.
Sa imbestigasyon, antes pa man ang pagbinaisay, ginkuha sang live-in partner ang nahulog nga tambara kag ginbalik sa lugar tungod sa kahangawa nga may ma-disgrasya.
Nakit-an ini sang tiya gani may pagbinaisay nga natabo tubtob nga nagkuha sang ginunting kag ginhandus sa live-in partner ni Maria.
Napilasan sa wala nga butkon si Maria sang nagpatunga kag ginsagang ang ginunting.
Ginpahayag ni PMSg Epacta nga i-refer sa barangay ang natabo agud ma-istoryahan sang pamilya nga involved. — Aksyon Paula Elambayo
