ILOILO — Malapit tunga sa milyon nga balor sang suspected shabu ang na-recover sang Regional Police Drug Enforcement Unit (RPDEU) sa ginakabig high value drug personality kag duha ka street level individual sa Zone 3 Brgy. Pakiad, Oton kaina sang hapon.
Ginkilala ang main subject kay alyas Itik, 36-anyos; kanday alyas Vic kag alyas Clark nga ginahimo runner sang main subject nga lunsay residente sang amo nga barangay.
Suno kay Police Captain Glen Soliman, team leader sang RPDEU, may koneksyon sa presuhan sa Iloilo City si Itik nga amo ang nagapadala sang supply sang illegal drugs.
Dugang pa ni Soliman, may tatlo pa ka source ang ginhatag sang main subject pero indi pa mabuyagyag tungod i-verify pa nila.
Na-monitor ang aktibidad sang main subject tungod sa impormasyon halin sa concerned citizens kag nagguwa sadtu ang iya ngalan sa mga operasyon.
Na-recover sa operasyon ang 14 ka sachet sang suspected shabu kag duha ka dalagku nga sachet sang suspected shabu nga nagabalor sang P476,000. — Aksyon Paula Elambayo
