ILOILO CITY — Patay ang subject sa drug buy bust operation sa Barangay Lanit, Jaro mga las 2:30 kaina sang kaagahon sang natiruhan sa operasyon.
Dead-on-arrival sa ospital si Jason Espaltero alyas Don-Don, 32-anyos kag temporaryo nga nagatenir sa Barangay Rizal Estanzuela, City Proper.
Suno kay PCol Joeresty Coronica, OIC sang Iloilo City Police Office, nagbato si Espaltero sa poseur buyer sang nahibaluan niya nga pulis ang iya ka-transaksyon.
May nakita nga dugo malapit sa dughan sang subject, suno kay Coronica.
Sa pagpaathag ni Coronica, una nga gintiro ni Espaltero ang poseur buyer nga pulis pero may vest nga suksok ang pulis.
Tungod sini nagbalos palupok ang upod sini nga pulis.
Ginabanta sa 110 grams ang na-recover nga suspected illegal drugs nga may market value nga P748,000.
