Epektibo subong nga adlaw, gin-relieve si Iloilo City Police Office (ICPO) director Colonel Kim Legada tungod sa Lamasan case.
Ini ang ginkumpirmar ni PRO 6 RD PBGen Josefino Ligan.
Temporaryo nga mangin director sang ICPO si Colonel Roland Bulalacao, ang Deputy Regional Director for Operations sang PRO6.
Gin-relieve man si Captain Jeffrey Delgado nga hepe sang Police Station 2 sa La Paz.
Isaylo ang duha sa regional headquarters.
Madumduman, napatay si Dueñas Vice Mayor Aimee Paz Lamasan sang Disyembre 31, 2025 makaligad natiruhan ang kaugalingon sang Disyembre 30, 2025.
Sa press conference ni SILG Jonvic Remulla sang Enero 7, gintumod niya ang kapaltahan sa ICPO sa pag-imbestigar sa insidente gani nagpadulong siya sa Iloilo agud hibaluon ang matuod nga natabo. — Aksyon Farrah Mae Morano
