ILOILO CITY — Napunggan sang custodial officer sang La Paz police station ang tuyo nga pagpasulod sang illegal drugs sa La Paz Police Station kahapon sang aga, Marso 20.
Suno kay Police Captain Gimel Acuesta, Officer-in-Charge sang La Paz police station, nagdul-ong sang pagkaon si alyas Mae, 18-anyos sa iya amay nga naka-custody tungod nadakpan sa drug bust operation sang Regional Police Drug Enforcement Unit (RPDEU 6).
Upod ni Mae si alyas Fritz, 30-anyos nga nagdul-ong sang pagkaon nga abyan man sang na-preso.
Nabutang sa sulod sang plastic container ang kan-on nga amo ang ginlubngan sang illegal drugs.
Magluwas sini, nakit-an sa taklob sang container ang foil nga gintapik antes ginbutangan sang packing tape. May na-recover man nga lighter ang pulis.
Subong naka-custody sa La Paz police station si Mae kag Fritz.
Pasakaan sang kaso nga Section 5 of Republic Act No. 9165, ukon Comprehensive Dangerous Drug ang duha tungod sa pag-transport ukon pag-deliver sang illegal drugs. — Aksyon Angel Mae Ciudad
