ILOILO CITY—Gin-adoptar sang Sangguniang Panlungsod sa session subong nga aga ang resolusyon sang City Disaster Risk Reduction and Management Council (CDRRMC) nga nagapahamtang sa siyudad sa state of calamity.
Ini tungod sa epekto sang habagat nga ginpabaskog sang mga bagyo Crising, Dante, kag Emong nga nagdala sang pagbaha sa nakaligad nga duha ka semana.
Base sa DROMIC report sang City Social Welfare and Development Office (CSWDO), naglab-ut sa 22,496 ka pamilya ukon 84,382 ka indibidwal halin sa 104 ka mga barangay ang na-apektuhan sang pagbaha.
Naguba naman ang 74 ka mga balay base sa report sang CDRRMC.
May duha man ka na-record nga napatay sa siyudad nga maangut sa pagbaha.
May gin-alokar nga P21.5 million nga pondo halin sa Quick Response Fund ang siyudad para sa madasig nga relief and recovery operations.
Ipa-in ang P20 million sa pag-develop sang relocation site sa West Habog-Habog, Molo, P1.4 million naman para sa food assistance, kag P100,000 sa pagbakal sang mga vegetable seedlings para sa mga mangunguma nga naapektuhan sang pagbaha ang ila pananum. — Aksyon Marvin Malificiar
