ILOILO CITY — Ginahanda sang City Health Office ang 25-beds hydration unit tungod sa pagtaas sang kaso sang dengue sa syudad.
Sa La Paz Maternity and Reproductive Health Center ang hydration units nga una gingamit sang dengue outbreak sang 2019.
Suno kay Dr. Roland Jay Fortuna, Asst. City Health Officer, tinutuyo sini nga ma-decongest ang mga ospital ilabi na pa nga makabig nila “alarming” ang pagdamo sang admission sa mga non-covid nga kaso.
I-cater sang hydration units ang mga dengue patients nga wala sang warning signs. —via Justice Savvanah Pamplona
