ILOILO CITY — May nabaton nga audio kag chat nga nagapamahog nga may bomba ang Iloilo Doctors’ College.
Temprano nga nag-anunsyar ang IDC nga suspended ang face-to-face classes kaina sang aga tungod sang security concern.
Tanan nga levels ang ma-shift sa online ukon alternative mode of learning.
Sa announcement, indi pagpahanugutan ang mga estudyante nga magsulod sa campus tubtob i-clear ang area.
Nagpadulong ang mga personnel sang Explosive Ordnance Division kag gin-inspeksyon ang eskwelahan apang negatibo sa bomba.
Mga las-8 kaina sang aga sang gindeklarar nga clear na sa bomba ang IDC kag pagka-la 1 sang hapon, ginpadayon ang klase sa eskwelahan. — Aksyon Farrah Mae Morano
