Wala untat ang pagpahanumdom sang Iloilo Police Provincial Office (IPPO) sa publiko sa pag-secure sang ila mga balay kon bayaan subong nga Semana Santa.
Suno kay Police Lieutenant Colonel Rolando Araño, spokesperson sang IPPO, tion man sang pagbakasyon sang kadam-an ang Semana Santa amo nga nagakabilin nga wala sang tawo ang mga balay.
Nagapanugyan man kapulisan sa mga pumuluyo nga kon bayaan ang ila mga balay, siguraduhon nga natrangkahan ang mga puwertahan, bintana kag iban pa nga puwede maagyan agud malikawan nga masulod sang makawat.
Dugang pa ni Araño nga mahimo man nila mapalihog sa ila mga kasilingan wala sang kadtuan ang paglantaw sa ila mga balay.
Naka-heightened alert na ang mga pulis sa probinsiya sa pag-obserbar sang Semana Santa. — Aksyon Maria Kayla Tingzon
