ILOILO– Nabun-an ang duha ka mga nagahampang sa bilyaran sa Barangay Trapiche, Oton mga las-11 kagab-i.
Suno kay Police Lieutenant Colonel Arnel Solis, hepe sang Oton Municipal Police Station, wala nag-intiendihanay sa ila pusta ang mga biktima nga kandya alyas Noel kag Mike gani nabun-an sang suspect nga si alyas Kulot.
Nakaagum sang pilas sa nagkalain-lain nga parte sang lawas ang mga biktima pero napatay pag-abot sa ospital si Noel.
Padayon naman nga ginabulong si Mike.
Nagpalagyo ang suspect pagkatapos sang insidente kag paagi sa bulig sang mga barangay officials nag-surrender siya kaina sang aga.
Pasakaan sang kaso nga homicide ang suspetsado tungod sa pagkapatay ni Noel.
Magadepende naman sa medical examination result ni Mike kon ano ang dugang nga kaso nga ipasaka batok aa suspect. — Aksyon Farrah Mae Morano
