ILOILO CITY – Nakabaton sang Pallium halin kay Pope Leo XIV si Archbishop Midyphil Billones sang Archdiocese of Jaro sa tion sang pontifical mass para sa piyesta solemne nanday San Pedro kag San Pablo sa St. Peter’s Basilica sa Vatican City kahapon, Hunyo 29.
Agud mapabilin ang ginatos ka tuig nga tradisyon sa Roman Catholic, nagpadulong si Archbishop Billones sa Vatican City agud batunon ang Pallium – woolen vestment nga nagasimbolo sang pag-ugyon sa Santo Papa kag pagpakita sang otoridad sa iya nasakupan nga katilingban nga gintugyan agud tatapon niya.
Pagkatapos sang misa, gin-abi-abi si Archbishop Billones sa Pontificio Collegio Filipino, sa diin ginhiwat ang simple nga selebrasyon sa pagpasalamat.
Dal-on niya pabalik sa Jaro ang Pallium. — Sources: Archdiocese of Jaro/ Vatican News
