ILOILO – Nakalab-ot na sa Pavia LGU ang drag racing sang mga motorsiklo sa banwa.
Suno kay SB member Pyt Trimañez, chairman sang Committee on Transportation sa Sangguniang Bayan sang Pavia, ginpalab-ot na nila sa police ang natabu kag ginatutukan naman sang kapulisan.
“We don’t want that this activity will be happening sa Pavia kay may mga recorded cases kami nga casualties in the past, since last year. We really don’t want this drag racing especially mga motorcycle,” pahayag ni Trimañez.
Naka-istoryahanay na sanday Trimañez kag SB member Roy Gorriceta, chairman sang Committee on Public Safety, natuhoy sa amo nga concern.
Ginakonsiderar nila ang pagdihon sang ordinansa nga magadumili sang drag racing, dugang ni Trimañez.
Santu sa nabaton nila nga impormasyon, may mga pamatan-on nga nagatipon sa parte sang Cabugao Sur kag Ungka II malapit sa Shell Gas Station kag ginahimo ang karera nga wala sang police nga nagalabay.
