ILOILO — Nakuha sa random inspection nga gin-conduct sang kapulisan sa high school sa Pototan ang mga kutsilyo, pitchikorno, vape, kag condom.
Suno kay Police Major Byan Alamo, hepe sang Pototan Municipal Police Station, ginhimo ang random inspection makaligad nagpalab-ot sang concern ang mga ginikanan kag mga manunudlo may kaangtanan sa posibilidad nga may magluntad nga kinagamo sa eskwelahan.
Dugang ni Alamo, nagpadala sa ila sang sulat ang eskwelahan nga naga-authorize sa ila sa pag-conduct sang inspection.
Ginabanta 50 ka mga estudyante ang nakuhaan sang mga kontrabando.– Aksyon Maria Kayla Tingzon
