ILOILO — Pilason ang 50-anyos nga laborer sang ginbuno sang iya abyan sang kawayan sa Brgy. Buntatala, Leganes,kahapon, Nobyembre 29.
Suno kay Police Lieutenant Albert Sugo-an, deputy chief sang Leganes Municipal Police Station, upod nga nag-inom-inom ang mag-abyan antes natabo ang insidente.
Sa imbestigasyon, nagahigda ang biktima sa katre sang gulpi lang ginbuno sang suspek sa liug.
Nahibaluan nga may mental disability ang suspek, suno sa pulis.
Gilayon nga gindala sa ospital ang biktima nga estable na ang kondisyon.
Yara sa kustodiya sang Leganes MPS ang suspek. Ginahulat sang pulis ang desisyon sang biktima kon mapasaka sang kaso batok sa suspek. — ARI trainee Robert Nietes
