ILOILO CITY — Nakaagum sang pilas sa wala nga parte sang tiyan ang 28-anyos nga lalaki sang ginbuno sang kaupod niya nga 47-anyos nga babaye sa Esplanade 4 nga sakop sang Brgy. Inday, City Proper kahapon, Pebrero 13.
Base sa pagpangusisa sang news team, nakita sang mga bystanders nga nagahuray-ad ang lalaki, duguon kag ginasipa pa sang babaye rason nga gintawgan sang pulis.
Suno kay Police Captain Michael Tuburan, officer-in-charge sang Police Station 7 sa Tanza, City Proper, gin-operahan sa tiyan ang lalaki tungod na-damage ang iya kidney sang ginbuno sang babaye nga suspek.
Ginpahayag sang police nga masami naga-away ang biktima kag ang suspek nga nagalihu-liho sa syudad.
Detained na sa police station ang suspek nga residente sang syudad samtang taga-Negros Occidental ang biktima.
Magapangatubang sang kaso nga frustrated homicide ang babaye nga suspek. — Aksyon Paula Elambayo
