ILOILO –Nasapwan nga patay sa kakahuyan kag may shoelace sa iya liug ang 39-anyos nga lalaki sa Brgy. Bayan, Passi City kahapon sang aga, Mayo 28.
Suno kay Police Captain Maria Rosario Miranda, public information officer sang Passi City Police Station, nasapwan sang iya iloy ang biktima nga nagahapa kag natabunan sang mga dahon sa kakahuyan malapit sa iya balay.
Naga-isahanon nga naga-istar sa balay ang biktima nga ulihi nakit-an sang Domingo.
Yara sa advanced state of decomposition ang biktima sang nasapwan.
Sa imbestigasyon sang police, may nakita nga pilas sa ulo kag sa likod nga parte sang lawas ang biktima. May shoelace man nga nakita sa liug sang biktima suno sa police.
Nagapati ang Passi City police nga may foul play sa kamatayon sang lalaki gani ginahaylo ang pamilya nga ipa-autopsy ang bangkay. — Aksyon Paula Elambayo
