ILOILO — ILOILO— Patay ang lalaki nga nalasakan sang dump truck sa Brgy. Sablogon, Passi City mga las-12 sang udto.
Suno kay Lieutenant Charina Pagmanoja, deputy station commander sang Passi City Police Station, nagapungko sa kilid sang dalan ang lalaki sang gulpi lang nagdalagan kag nagsuhot sa naglabay nga truck.
Halin sa Calinog kag padulong sa Capiz ang truck.
Indi kilala sang mga tawo sa palibot ang lalaki nga ginabanta naga-edad 40-anyos.
Sa subong, gin-hold sang pulis ang driver. — Aksyon Farrah Mae Morano
