ILOILO— Patay ang 36-anyos nga lalaki sang ginbuno sang iya nakaupod sa ilimnan sa Brgy. Nasapahan, Lemery kahapon sang kaagahon, May 14.
Biktima si alyas Rod, residente sang Proper Mansalanao, La Castillana, Negros Occidental pero temporaryo nga nagatiner sa Brgy. Nasapahan, Lemery tungod nagapamanday.
Suspek sa pagpangbuno si alyas Args, tumandok sang amo man nga lugar pero naga-istar na subong sa Antique.
Suno kay Police Master Sergeant Dandy Gallego, imbestigador sang Lemery Municipal Police Station, naga naga-inum-inom ang biktima sa poultry farm upod ang iban pa nga abyan sang nag-abot ang suspek.
Sa imbestigasyon sang police, una nga ginsumbag sang suspek ang biktima kag nagpalagyo.
Makaligad ang pila ka minutos, nagbalik ang suspek tubtob nabun-an niya ang biktima sa tiyan, suno sa police.
Gindala pa sa ospital ang biktima pero gindeklarar nga dead-on-arrival. — Aksyon Farrah Mae Morano
Nagpalagyo naman ang suspek kag nagapabilin nga at-large.
Ginpabutyag sang police nga natukiban nga wanted ang biktima sa Negros Occidental.
