Lalaki patay sang ginlabu sang iya pakaisa sa Janiuay

ILOILO–Patay ang 35-anyos nga lalaki sang ginlabu sang iya nga pakaisa sa Barangay Pili, Ajuy las-8:50 Sabado sang gab-i.

Suno kay Police Lieutenant Randy Lambungan, officer in charge sang Ajuy Municipal Police Station, nagalakat sa talamnan ang suspect nga Rey nga papuli na kun tani sang nabatian nga nagapangayo sang bulig ang asawa sang iya nga pakaisa nga si Ed.

Naka-inum si Ed gani nagbaisay sila sang iya asawa kag ginasakit pa niya, suno sa police.

Tungod sini, nagpalapit si Rey sa balay sang mag-asawa agud kuntani sawayon sila pero gulpi lang siya ginlampusan sang kahoy ni Ed.

Pagkatapos sini, nagpauli sa iya balay si Rey suno sa police, nagkuha sang binangon kag nagbalik sa balay sang mag-asawa.

Sang nakabalik na si Rey sa balay sang mag-asawa, liwat siya nga ginlampusan ni Ed sang kahoy pero wala naigo, suno sa police. Nakakita sang kahigayunan si Rey kag ginlabo si Ed sang katatlo ka beses sa liug.

Ginpahayag ni Lambungan nga wala nagpalagyo ang suspect, pero nagpauli sa ila balay pagkatapos sang insidente.

Presu na sa Ajuy Municipal Police Station ang suspect kag pasakaan sang kaso nga murder.