ILOILO CITY —Patay ang lalaki sang gintiro sa Barangay Sooc, Arevalo kagab-i, Agosto 4.
Ginkilala ang biktima kay Federico Sanchez alyas Bikil, 39-anyos sang Quezon, Arevalo.
Suspek sa pagtiro sa biktima si Albert Caro alyas Borno.
Gindala pa sa ospital ang biktima apang gindeklarar nga dead-on-arrival, suno kay Quezon, Arevalo Punong Barangay Visamin “Nonong” Cañal.
May pito ka pilas ang biktima.
Yara naman sa custody sang Arevalo police Caro.
Suno kay Police Captain Mavin Laraño, hepe sang Arevalo Police Station, indi pag-intiendihanay ang ginhalinan sang krimen.
Ginpahayag ni Laraño nga na-recover nila ang improvised 12-gauge shotgun (sumpak) nga gingamit sang suspek sa pagtiro sa biktima.
Dugang ni Laraño, ginsulod sang suspetsado ang balay nga ginkadtuan sang biktima kag gintiro ini sang duha ka beses.
Samtang, gin-aresto naman sang Arevalo police ang lalaki nga gintudlo nag-obstruct sa pag-aresto sa suspetsado. —via Angel Mae Ciudad
