ILOILO — Patay ang 29-anyos nga lalaki sang gintiro sang iya abyan sa Barangay Tomcon Ilaya, Pototan las-2:15 sang kaagahon sang Agosto 20.
Suno kay PCapt. Jersey Besas, hepe sang Pototan Municipal Police Station, upod nga nag-inum ang biktima nga si Jasper Bermejo sang P. Ledesma Ward, Pototan kag ang suspek nga si Novemar Morillo, 36-anyos.
Sa imbestigasyon sang police, nagbaisay ang duha tubtob nagkuha sang .45 caliber pistol ang suspek kag gintiro ang biktima.
Gindala sa ospital ang biktima pero napatay tungod sang pilas sa liug kag dughan, suno sa police.
Hinubog ang ginalantaw sang police nga motibo sa krimen.
Nadakpan ang suspek kag ginpasakaan sang kaso mga illegal possession of firearm kag murder. —via Farrah Mae Morano
