ILOILO CITY — Dead-on-arrival sa ospital ang lalaki nga sakay sa motorsiklo sang nabungguan sang pick-up truck sa Lopez Jaena Sur, La Paz kaina sang kaagahon.
Suno kay Police Chief Master Sergeant Dennis Yee, imbestigador sang Traffic Enforcement Unit sang Iloilo City Police Office, ginkilala ang biktima kay Michael Joshua Gailo sang Molo pero temporaryo nga nagatenir sa La Paz.
Suno sa driver sang pick-up nga si Lynel Sabran, halin siya sa Diversion Road, Mandurriao kag pauli na kuntani sa Jaro.
Ulihi niya na lang natalupangdan nga may nagapondo nga motorsiklo sa tunga sang right lane tungod madulom ang lugar.
Nagpreno pa siya kag ginwarik ang manibela sang salakyan agud malikawan ang biktima pero alang-alang na.
Gin-ako ni Sabran nga naka-inom siya.
