ILOILO — Patay ang lalaki sang natiruhan sa Barangay Bugnay, Barotac Viejo las-12:15 kaina sang kaagahon.
Suno kay Police Major Ciriaco Esquilarga, hepe sang Barotac Viejo Municipal Police Station, naga-disco sa covered gym ang biktima nga si Jerald Bandoles sang gintiro ni Wilmar Sabitero.
Base sa imbestigasyon sang police, posible ginpalusot ni Sabitero ang pusil sa cyclone sang gym kag gintiro ang biktima nga naigo sa likod. Upod ni Sabitero si Johnwil Celis.
Sa pagpangusisa sang pulis, nagbaisay ang biktima, ang suspect kag si Celis pero na-settle na sa barangay.
Ginpahayag ni Esquilarga nga sang natabo ang pagpangtiro, naka-inom ang mga suspect.
Presu na sa Barotac Viejo Municipal Police Station si Celis samtang at large gihapon si Sabitero.
