ILOILO — Tatlo ka mga indibidwal ang ginasundan sang Lambunao police sa pagpatay sa lalaki nga nasapwan sa dike sa Brgy. Tranghawan, Lambunao sang Domingo, Disyembre 22.
Suno kay Police Major Roy Tayona, chief of police sang Lambunao Municipal Police Station, posible nga upod sang biktima nga si Vicente Sumido, sa pagpangawat ang mga nagpatay sa iya base sa imbestigasyon.
Una na ginpahayag sang police nga magluwas sa kahilabtanan sa illegal drugs, may mga kaso sa pagpangawat, attempted murder kag pagginamo ang biktima.
Samtang, daan nga hiligut-anon kag involvement sa pagpangawat ang mga anggulo nga ginatutukan sang police kag gindula ang anggulo nga may kaangtanan sa illegal drugs.
Ipa-autopsy ang biktima agud mahibaluan ang gintunaan sang iya kamatayon. — Aksyon Paula Elambayo
