ILOILO – Mas ginapili sang mga nurses sa Iloilo nga mag-obra sang mga Business Process Outsourcing (BPOs) sang sa mag-practice sang ila profession bilang health care provider sa mga ospital.
Ini ang ginpabutyag ni Philippine Nurses Association (PNA) – Iloilo Chapter President, Franky Muzones.
Dugang pa niya, indi dapat pagbasulon ang mga nurses nga naga-obra bilang call center tungod mas mataas ang compensation nga ginahatag sang mga kompaniya kun ikumparar sa mga private kag public nga ospital.
Madamo sang kilala si Muzones nga madugay na nga naga-obra sa ospital apang ginakonsiderar ang pag-apply sa mga BPOs.
Una na nga ginpahayag ni Commission on Higher Education (CHED) Chairman, Prospero De Verra III, nga isa sa mga factors nga kulang ang nurses sa pungsod tungod madamo ang populasyon sang health care providers nga naga-uyat sang account sa BPO may kaangtanan sa ikaayong lawas.
